Японд ирээд 3 сар болжээ

Ирээд 3 сар болжээ. Эхний 2 сар Монголоо нилээд санаж байлаа. 3 сар өнгөрхөд харин хоолонд нь дасаж, газар мэдэхгүйн зовлон багасч, мэдэхгүй хэлээр шулганалдахад нь дасдаг болтой. Компаниуд ажилтнаа авахдаа 3 сарын туршилтын хугацаатай байдаг шиг. 

Монголоо гэнэт гэнэт санах үе байх юм. Инээдтэйч юм шиг хэрнээ яах ч аргагүй дотно санагддаг хэдэн зүйл байна. 

Хэл ус муу хүн гадуур явж байхад эсвэл зурагтаар англи хэл дээр нэвтрүүлэг гарч байвал, хэдий сайн ойлгохгүй ч гэлээ яг л төрлөх хэлээр маань ярьж байгаа мэт сонсогдох юм.

Зар, рекламны самбар дээр солонгосын жүжигчид\Инха, Сүён\ ч юмуу японы алдартай дуучид\Тоглосон кино нь монголд гардаг байсан\-ын зургийг хархаараа аав ээжийгээ харсан юм шиг л дотно санагдах юм. 

Мод цэцэгсийн хажуугаар өнгөрхөд хааяа нэг яг л монголын үнэр үнэртэх юм. 

Япон улсын талаар анхны сэтгэгдэл

Японд ирснээсээ хойш энэ улсын талаар төрсөн сэтгэгдлээ бичье гэж бодсоор хэдэн сар өнгөрчихөж. Анх төрсөн сэтгэгдлүүд маань зарим нь мартагдаж, зарим нь өөрчлөгдөж байх шиг, дасна гэдэг нь болж байгаа болтой. Хамгийн анхны сэтгэгдлээсээ бичье гэвэл өнгөрсөн жилийн 9 сард ирж 10 хоноод буцхад бодогдсон зүйлсийг хэлнэ.
Эрээнээс өөр гадаад улсруу явж үзээгүй бие маань Япон улсруу явах болоод тэнгэрийн улс гэмээр л зүйл тархиндаа буулгаж байж, харин онгоцноос буугаад дэнша\газар дээгүүр явдаг метро\ -нд суугаад гадагшаа харж явхад бодол маань эсрэгээрээ эргэж байж билээ. Монголд байдаг л машин\ ниссан, тоёато, мазда\, монголд байдаг л байшин барилга, залуучуудынх нь өмссөн хувцас, бүр монголд байдаг л супермаркет гэж бодож байлаа. хэхэ
Харин дараагийн сэтгэгдэл маань хүмүүсийн хандлага, харьцаа байсан. Дэншанаас буух үед өөдөөс зүтгэж орохгүй заавал хүнээ эхэлж буулгах юм, зам хөндлөн гарах үед машинууд нь явган зорчигчоо заавал зам хөндлөн гарсны дараа хөдлөх юм, ямарч дэлгүүрт орсон тавтай морил гэж хэлэх юм, гээд л хүмүүсийн харьцаа бол сайхан. Хандлага гэхээр "Чи Япон хүн, гэртээ биш л бол хэзээч битгий уурла уцаарла, уурлаж байсанч инээ " гэж сургадаг юм шиг бүр нийгмээсээ тийм байхыг шаарддаг болчихсон юмуу гэлтээ санагдаж байсан. Хэрэв тэр харилцаа нь байхгүй бол энэ улсын ирээдүй бүрхэгч юм шиг.

Анхны бичлэг "Өдрийн тэмдэглэл"

Та ямар нэг тэмдэглэл хөтөлдөг үү?
Утсан дээрээ, цаасан дээр, эсвэл өөрийн тархиндаа.
Өдрийн тэмдэглэл гэж ямар тэмдэглэлийг хэлдэг юм бэ?
Facebook дээр пост бичих, twitter дээр мэдээллээр жиргэх, instagram дээр зураг шэйр хийхийг хэлдэг юм болвуу, эсвэл утсан дээрээ ажил амьдралынхаа төлөвлөгөөг бичхийг хэлдэг юм болвуу. Та юу гэж боддог вэ?
Тэгвэл өдрийн тэмдэглэлийг яах гэж, ямар зорилгоор хөтөлдөг юм бол.
Өнгөрснөө эргэн дурсах гэж үү, мартсанаа эргэн санах гэж үү, өнгөрснийг нотлох баримт болгох гэж үү, эсвэл өөр хүнд хэлмээр санагдсанч хэлж чадахгүй зүйлээ цаасан дээр буулгаж тайвширах гэж үү, эсвэл бүр эдгээрийг бүгдийг нь багтаасан зорилготой юм болвуу.
Таны хувьд ямар зорилгоор өдрийн тэмдэглэл хөтөлдөг вэ? Хэрэв хөтөлдөг бол ямар нэг зорилго, шалтгаан байж л таараа.